Ina giada l’onn van ils stars da hockey da la National League tar ils uffants ora en las regiuns. Il Swiss Hockey Day pussibilitescha quest inscunter. Per l’ina vai per l’inscunter e la pussaivladad da star ina giada cun ils stars ni ils idols sin il glatsch. Da pudair emprender e passentar temp cun ils megliers giugaders da hockey en Svizzra, per l’autra era per svegliar il gust vi da quest sport era tar ils pli pitschens. Sch'ins vegn infizà gia dad uffant cun il virus dal sport da hockey, resta quai savens l’entira vita.
Ritzmann e Paschoud a Scuol, Knak a Samedan e Barandun a San Murezzan
Las equipas engiadinaisas, che porschan il di da hockey per ils uffants, han surtut envidà giugaders dal Club da hockey da Tavau. Uschia turna per exempel Fabian Ritzmann a Scuol, en il lieu nua ch'el ha emprendì l’amulain dal hockey. Davyd Barandun fa visita a San Murezzan. Per pli vegnan uffants da l’equipa indigena al di da hockey. Envidads a l’inscunter cun ils stars èn dentant tut ils uffants. L’unic ch'els han da prender cun sai èn ils patins, ina chapellina ed in bastun.