Cura precis che Roger Federer turna al tur d'ATP n'è anc betg cler – ussa èsi dentant cler ch'el vegn ad esser da la partida a ses turnier da chasa, il Swiss Indoors a Basilea ch'è ils 22 enfin ils 30 d'october. Quai communitgeschan ils organisaturs dal turnier ch'è dotà cun 2,2 milliuns euros.
Roger Federer, che ha già gudagnà 10 giadas il turnier a Basilea, ha dà sia davosa partida il fanadur da l'onn passà. Silsuenter ha el laschà operar ses schanugl – quai per la terza giada.