Suenter che Stan Wawrinka ha battì Casper Ruud als Swiss Indoors, ha el er gudagnà cunter l'American Brandon Nakashima, quai cun 6:4, 5:7, 6:4. En il quartfinal frunta Wawrinka sin il Spagnol Roberto Bautista Agut.
Stricker e Hüsler èn crudads ora
Ils dus giuvens svizzers al turnier èn crudads or en lêmprima e segunda runda. Marc-Andrea Hüsler è out en l'emprima runda da Swiss Indoors a Basilea. Il Turitgais ha pers cunter il Canadais Félix Auger-Aliassime suenter trais sets cun 7:6, 4:6 e 4:6.
Er Dominic Stricker è crudà ora en ils otgavelfinals. Il Bernais da 20 onns a pers cunter il numer 5 dal turnier, il Spagnol Pablo Carreño Busta – cun 5:7, 7:6 e 4:6. En l'emprima runda aveva el battì Maxime Cressey cun 7:6 (7:4) e 6:3.