Il Norvegiais Casper Ruud (ATP 5) gudogna a Gstaad il final dal turnier ATP-250 cunter il Talian Matteo Berrettini en trais sets, cun 4:6, 7:6 (7:4) e 6:2.
Ruud ha realisà al cumenzament dal terz set ses emprim break da la partida, ed ha sinaquai svelt augmentà ad in avantatg da 5:1. E suenter duas uras e 33 minutas ha il giugader da 23 onns lura realisà sia emprima balla da matsch a la victoria.
Per Casper Ruud èsi il 9avel titel sin stgalim ATP. Quatter da quels ha el gudagnà en Svizra (duas giadas Gstaad e duas giadas Genevra).