Al timun da Swiss Ski duai dar en l'avegnir in copresidi cun Urs Lehmann e Peter Barandun. L'anteriur skiunz Lehmann, ch'a surpiglià l'uffizi da president avant 16 onns dal Grischun Duri Bezzola, sa metta a disposiziun per ina tschintgavla perioda d'uffizi. Quai communitgescha la Federaziun svizra da skis, Swiss Ski. Il Grischun Peter Barandun è actualmain vicepresident da Swiss Ski. L'um da 59 onns è in um da l'economia e dapi 12 onns en il presidi da Swiss Ski.
Peter Barandun è schef e president dal cussegl d'administraziun da la firma Electrolux e vicepresident dal cussegl d'administraziun da la Arbonia SA.