Siglir tar il cuntegn

Header

audio
Nadine Fähndrich per l'emprima giada sin il podest da la cuppa mundiala a Tavau
Or da Novitads dals 11.12.2021.
laschar ir. Durada: 18 Secundas.
cuntegn

Tavau Nordic Nadine Fähndrich curra sin il podest

La passlunghista Nadine Fähndrich ha briglià en il sprint da la cuppa mundiala a Tavau. La Lucernaisa è vegnida segunda davos la Svedaisa Maja Dahlqvist. Avant in onn aveva Fähndrich anc manchentà be piz a cup il podest sco quarta.

Nadine Fähndrich
Legenda: podest istoric a Tavau: da san. Nadine Fähndrich (2.), Maja Dahlqvist (1.) e Anamarija Lampic (3.) Keystone

Nadine Fähndrich è l’emprima Svizra ch’ha cuntanschì in plaz da podest en la cursa da sprint da la cuppa mundiala a las cursas da Tavau Nordic. Tut en tut èsi il 9avel plaz da podest per Fähndrich en sia carriera. Cumplettà il podest sco terza davos la Svizra ha la Slovena Anamarija Lampic.

audio
Il davos sprint da Laurien van der Graaff a Tavau
ord Actualitad dals 11.12.2021.
laschar ir. Durada: 2 minutas 18 Secundas.

Nagin happy end hai dà per Laurien van der Graaff tar ses davos sprint da la carriera a Tavau. La mattadura locala ha sco 14avla da la qualificaziun cuntanschì a moda suverana ils finals cun las meglras 30. Suenter il quartfinal è il sprint dentant stà a fin per van der Graaff che terminescha sia carriera a la fin da la stagiun.

Johannes Klaebo – tgi auter

Tar ils umens ha il grond favurit triumfà, Johannes Hoesflot Klaebo. Il Norvegiais ha battì en il final il Russ Sergey Ustiugov ch’è vegnì segund ed il Franzos Richard Jouve ch’è vegnì terz. Klaebo ha uschia gia triumfà quatter giadas a Tavau.

Ils megliers Svizzers en questa cursa da sprint èn stads Roman Schaad (9avel) e Valerio Grond da Tavau (11avel). Omadus èn vegnids fin en il mezfinal. Per Dario Cologna è il sprint gia stà a fin suenter la qualificaziun.

Actualitad 17:00

Artitgels legids il pli savens

Scrollar a sanestra Scrollar a dretga