Siglir tar il cuntegn

Header

cuntegn

Tennis a Claustra Nagins giuvens Svizzers en il final

Ils giuvens svizzers dal tennis na pon betg persvader al turnier dad ITF quest’emna a Claustra – Dominic Stricker e Jakub Paul han pers lur mezfinals. Persuenter è la juniora Ylena In-Albon en il final.

Dominic Stricker, il numer 1 dal turnier a Claustra, perda il mezfinal cunter Nicolas Moreno de Alboran en dus sets cun 5:7 e 3:6. Il Bernais da 18 onns aveva gudagnà l’onn passà il French Open dals juniors, ed è arrivà quest onn tar ils turniers ATP a Genevra e Stuttgart ils mezfinals.

Cun il giuven atlet da Cuira Jakub Paul è er il segund Svizzer crudà or en il mezfinal. El ha pers cunter il Talian Francesco Forti cun 2:6 ed 1:6.

Ina victoria svizra a Claustra è dentant anc adina pussibla. La giuvna Ylena In-Albon fatg il pass en il final – ella frunta la dumengia sin la Rumena Andreea Prisacariu.

Claustra ha ina tradiziun da tennis – in rapport dal 2017:

video
Simona Waltert – talent da tennis al turnier da junioras U18 a Claustra
Or da sil punct dals 27.07.2017.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga