La 7avla medaglia per la Svizra è segira. Suenter il mezfinal singul, gudogna Belinda Bencic ensemen cun Viktorija Golubic era il mezfinal dubel cunter il duo brasilian Pigossi/Stefani en dus sets cun 7:5 e 6:3. En il final fruntan ellas dumengia sin il duo favurit da la Tschechia Krejcikova/Siniakova.
Avant aveva Bencic battì en il mezfinal singul la Casaca Elena Rybakina en trais sets cun 7:6, 4:6 e 6:3. Igl è stà in lung cumbat. En il set decisiv è Belinda Bencic gist duas giadas stada enavos cun il break. Ella ha dentant pudì volver la partida. Il gieu ha durà duas uras e 42 minutas.
En il final frunta Bencic u sin Elina Svitolina da l'Ucraina, u sin Markéta Vondroušová da la Tschechia. Il gieu final ha lieu proxima sonda.