Siglir tar il cuntegn

Header

video
La balla da match decisiva da Belinda Bencic
Or da Tokyo 2020 Clips dals 31.07.2021.
laschar ir
cuntegn

Tennis Belinda Bencic va per aur olimpic

En in gieu plain tensiun ha gudagnà la Svizra Belinda Bencic cunter la Tscheca Marketa Vondrousova. L'emprim set ha Bencic anc stuì fadiar. Tar il 5:5 tenor gieus ha Bencic pudì dar gas e suenter il gieu cun ferms returns ha Bencic gudagnà l'emprim set cun 7:5. Il segund set ha'la però stuì laschar a Vondrousova ch'ha giugà pli ferm e la finala gudagnà cler cun 6:2. Bencic n'ha gì gnanc ina schanza per in break.

Il terz set han omaduas fatg squitsch. Vondrousova gist cun cumenzar cun in break. Suenter hai dà in break suenter l'auter. Da 5 games hai dà 4 breaks. La finala ha Bencic però pudì marcar la segunda balla da match ed ha gudagnà aur olimpic cun il resultat final da 7:5, 2:6 e 6:3.

Argient va a la Tscheca Marketa Vondrousova.

Il gieu per la medaglia da bronz è gia stà decidì oravant: L'Ucranaisa Elina Svitolina ha victorisà la Kasaca Elena Rybakina en 3 sets cun 1:6, 7:6 e 6:4 – ed uschia gudagnà bronz olimpic.

RTR novitads 16:00

Artitgels legids il pli savens

Scrollar a sanestra Scrollar a dretga