Per Belinda Bencic è il turnier da Grand Slam a Wimbledon a fin suenter l'otgavelfinal. La Svizra ha pers cunter il numer in dal mund, la Polonaisa Iga Swiatek, en trais sets cun 7:6, 6:7 e 3:6. En il segund set ha Bencic gì duas ballas da matsch tar il stan da 6:5. Malgrà la pitra terrada è Bencic loscha da sia prestaziun – sco ella ha ditg suenter la partida envers SRF.
video
Bencic: «Jau sun loscha»
Or da Sport-Clip dals 09.07.2023.
laschar ir. Durada: 3 minutas 25 Secundas.
La partida tranter la campiunessa olimpica ed il numer in dal mund ha cuzzà trais uras. En il quartfinal frunta Iga Swiatek sin l'Ucranaisa Jelina Switolina ch'ha battì la Belarussa Victoria Asarenka medemamain en trais sets.
Gia il venderdi ha Stan Wawrinka pers la terza runda dal turnier cunter il topfavurit Novak Djokovic cun 3:6, 1:6 e 6:7.