Novak Djokovic gudogna la setavla giada – e la quarta en seria – il turnier da Wimbledon. Il Serb ha battì L'Australian Nick Kyrgios en quatter sets, cun 4.6, 6:3, 6:4 e 7:6.
Per Djokovic èsi cun quai il 21avel titel a grand slam. Quai munta ch'el ha be ina victoria pli pauc che Rafael Nadal, che tegn il record. Da nov è el er davant Roger Federr che ha 20 titels da grand slam. Federer è l'emprima giada dapi il 1998 betg stà da la partida da Wimbledon.
Kyrgios è sa mussà sco giugader egual
Durant ils emprims trais sets è Kyrgios stà sin buna via per mussar ina surpraisa a Wimbledon. El ha gudagnà l'emprim set, grazia ad in break tar il 3:2. Il segund ha el pers suenter ch'el ha pers 1:3 suenter ch'el ha stuì dar giu la battida. Ils emprims dus duels tranter els dus sin nivel da ATP ha gudagnà Kyrgios.
L'Australian è sa mussà da moda seriusa e concentrada ed ha er giugà tacticamain ferm. El ha dà absolutamain sin nivel egual sco Djokovic, che n'ha betg pli pers il turnier dapi il 2017. Lura è dentant sa mussada la pazienzia da Djokovic, da spetgar sin schanzas. Ed uschia ha el gudagnà.
