Cunter il numer dus dal mund n'ha Jil Teichmann gì nagina schanza en l'otgavelfinal. Ella ha pers cunter la Bielorussa Aryna Sabalenka cun 2:6 ed 1:6. Tuttina po Teichmann valitar il turnier da Doha sco success. Suenter duas victorias è ella puspè turnada tranter las 40 megliers giugadras dal mund.
Il pass en l'otgavelfinal
Suenter avair gudagnà surprendentamain cunter la Tudestga Angelique Kerber, ha Teichmann er battì la Belgiaisa Alison van Uytvanck cun 7:6 e 7:5. Viktorija Golubic perencunter è crudada ora cunter la Polacca Iga Swiatek cun 2:6, 6:3 e 2:6
Success per omadus en la prima runda
Viktoria Golubic (WTA 36) aveva battì la Tudestga Andrea Petkovic (WTA 59) cun 6:4 e 6:4. Jil Teichmann (WTA 41) aveva battì en sia prima runda medemamain Angelique Kerber (WTA 18) en trais sets cun 4:6, 6:3 e 6:2. Il gieu ha cuzzà duas uras ed otg minutas. La Svizra aveva gia gudagnà ses prim duell cunter Angelique Kerber il settember da l'onn passà.