Roger Federer ha gudagnà la partida a mez-final en quatter sets cun 7:6 (7:3), 6:1, 3:6 e 6:4. Suenter radund trais uras è Federer vegnì da realisà sia 5. balla da matsch. 11 onns suenter ina da sias pli diras terradas sin pastget ha Federer uschia pudì far revantscha encunter il victur da lura Rafael Nadal.
Final: Federer vs. Djokovic
Ordavant aveva Novak Djokovic gudagnà ses mez-final encunter il Spagnol Roberto Bautista Agut cun 6:2, 4:6, 6:3, 6:2. Il final è dumengia a las 15.00 da temp svizzer. Las ultimas giada ch'i ha dà il final Dojovik vs. Federer a Wimbledon, è Djokovic ì cun la trofea. En il head-to-head maina medemamain il Serb cun 25:22.
RR novitads 17:00 / 21:00