A partir da mardi dat l'um da 33 onns al turnier d'ATP a Buenos Aires. Ma, quai saja il medem mument in return ed in cumià, ha el ditg ad ina conferenza da pressa. In schanugl blessà fa malgrà bleras terapias anc adina quitads a Del Potro. El veglia ussa simplamain esser in um da 33 onns che vegnia da viver senza dolurs.
Ses pli grond success ha el gì il 2009 al US Open, nua ch'el ha battì Roger Federer en il final en tschintg sets. Er betg d'emblidar è il mezfinal epic als gieus olimpics il 2012, nua ch'el ha dentant pers encunter Roger Federer.
