Sin via a ses emprim turnier da Grand Slam ha la Grischuna Simona Waltert surmuntà l’emprim da trais obstachels. Waltert ha eliminà l'Argentina Paula Ormaechea en trais sets cun 6:1, 4:6 e 6:0.
Per propi dumagnar en il tableau principal da l'Australian Open sto la giuvna da Cuira uss anc gudagnar dus gieus. Proxima adversaria è la Tudestga Jule Niemeier, ch'è classada buns 100 plazs meglier che Waltert.