La giugadra da tennis grischuna Simona Waltert è sa qualifitgada puspè per in turnier Grand Slam. Suenter ils French Open cuntanscha Waltert era il tableau principal dal turnier da Wimbledon. Ella ha gudagnà tut las trais rundas da qualificaziun, senza perder in set. Actualmain è la grischuna sin plazza 115 da la rangaziun mundiala.
Era sa qualifitgadas per Wimbledon èn Viktorija Golubic, Céline Naef e Dominic Stricker. Venderdi vegn tratg ora sin tgi che tut ils Svizzers e las Svizras fruntan en l'emprima runda da Wimbledon.
