- Belinda Bencic (WTA 12) batta Jessica Pegula (WTA 27) cun 6:3 e 6:3.
- Viktoria Golubijc gudogna l'emprim gieu a Tokio cunter la Columbiana Maria Camila Osorio Serrano (WTA 79) cun 6:4 e 6:1.
- Proxima adversaria da Golubic pudess esser la matadura locala e numer dus dal mund Naomi Osaka.
Cun in sbratg da levgiament ha Bencic terminà ses gieu da l'emprima runda cunter Jessica Pegula. En l'emprim set ha lezza pudì tegnair avert il gieu, er perquai che la Svizra ha fatg sbagls en ils muments decisivs. Pir la setavla schanza da break ha Bencic nizzegià al 4:3. Questsch schlantsch ha ella lura pudì prender en il segund set ed er gudagnà lez. En la segunda runda spetga la Giuapunaisa Misaki Doi sin Bencic.
Prestaziun solida da Golubic
Cura che Maria Camila Osorio Serrano ha pudì vegnir suenter cun in break dubel dal 1:5 al 4:5 han ins in mument stuì temair per Golubic. La Svizra è dentant restada ruassaivla. En il 10avel game da l'emprim set ha ella puspè surpiglià il comando. En il segund set ha Golubic mussà nagina flaivlezza pli e realisà dus breaks al 2:0 ed al 4:0. Suenter be 59 minutas ha la Svizra terminà il gieu cun sia emprima balla da match.