La giugadra da tennis svizra Victorija Golubic ha gudagnà il titel dal turnier da WTA-125 a Saint-Malo en Frantscha. La Turitgaisa da 28 onns ha battì en il final la Taliana Jasmine Paolini – quai en dus sets cun 6:1 e 6:3.
Per Golubic che vegn a returnar suenter 15 mais en las top 80 da la rangaziun mundiala, è quai la terza victoria sin nivel da WTA. Avant aveva ella gudagnà il 2016 a Gstaad (WTA International) ed il 2019 ad Indian Wells (WTA Challenger). Il nivel WTA-125 è cumparegliabel cun ils turniers da Challenger tar ils umens.