La giugadra da tennis grischuna Simona Waltert po ir a Glasgow al turnier final da la Cuppa Billie Jean King, pli baud era quai il Fed Cup. Sper Waltert ha il coach Heinz Günthard selecziunà Belinda Bencic, Jil Teichmann e Viktorija Golubic. Uschia consista il team da las quatter meglras giugadras da tennis da la Svizra.
Simona Waltert da Cuira è stada il fanadur a Losanna per l'emprima giada en in quartfinal d'in turnier da tennis WTA. La giuvna da 21 onns è sa meglierada quest onn per passa 100 plazzas en la rangaziun mundiala dal tennis ed è actualmain sin posiziun 114.
Il turnier ha lieu dals 8 fin ils 13 da november a Glasgow. En lur gruppa da trais equipas vegnan las Svizras a fruntar sin il Canada e sin l'Italia. Il team che gudogna la gruppa sa qualifitgescha per il mezfinal.
