Per la giugadra da tennis da Cuira Simona Waltert è il siemi dal Australian Open a fin. La Grischuna ha manchentà la qualificaziun per il tablau principal. Waltert ha pers la partida da terza runda encunter la canadaisa Katherine Sebov en dus sets cun 3:6 e 4:6. Per la giuvna da 22 onns fissi stà l'emprima qualificaziun per in Grand Slam insumma.
Er ils svizzers Dominic Stricker e Leandro Riedi han manchentà la qualificaziun. Stricker ha pers cunter il franzos Enzo Coucaud cun 6:7 e 6:7. Riedi ha pers cunter il Tschec Dalibor Svrcina cun 0:6 e 4:6.
audio
Per tadlar: las novitads da las 12:00
ord RTR Audio dals 13.01.2023.
laschar ir. Durada: 5 minutas 35 Secundas.
