Terza victoria - Beat Feuz gudogna la cursa rapida a Wengen

Il podest

1. Beat Feuz, 1:42,53
2. Dominik Paris (ITA), +0,29
3. Thomas Dressen (GER), +0,31

Per la terza giada suenter il 2012 e 2018 gudogna Beat Feuz la cursa rapida al Lauberhorn. Il skiunz da l'Emmental ha mussà sin il traject scursanì da la cursa ina prestaziun quasi perfetga. Sper Franz Klammer è Feuz l'unic skiunz ch'ha gudagnà – dapi la fundaziun da la cuppa mundiala – trais giadas la cursa rapida al Lauberhorn.

audio

Beat Feuz gudogna la terza giada al Lauberhorn

02:17 min, ord Sportissimo dals 18.01.2020.

laschar ir. Durada: 2 minutas 17 Secundas.

Tenor Urs Lehmann, il president da Swiss-Ski, è Beat Feuz simplamain in scheni sin skis e las cundiziuns a Wengen sajan per el perfetgas.

audio

Urs Lehmann davart Beat Feuz

00:17 min, ord Sportissimo dals 18.01.2020.

laschar ir. Durada: 17 Secundas.

Ils ulteriurs Svizzers

• 5. Mauro Caviezel, +0,42
• 8. Niels Hintermann, +0,93
• 10. Ralph Weber, +1,00
• 15. Carlo Janka, +1,54
• 26. Lars Rösti, +1,84
• 28. Gilles Roulin, +2,03
• 35. Stefan Rogentin, +2,17

Er ils ulteriurs Svizzers han persvadì en la cursa rapida. Mauro Caviezel ha bain pers temp pervi d'in sbagl en il Kernen-S, tuttina hai anc bastà per il 5avel plaz. Per Caviezel è quai la meglra prestaziun fin uss al Lauberhorn. Ed er Carlo Janka ha pervi d'in sbagl manchentà cleramain il podest. El è la finala vegnì 15avel.

audio

Sbagl custa a Janka ed a Caviezel il podest

02:43 min, ord Sportissimo dals 18.01.2020.

laschar ir. Durada: 2 minutas 43 Secundas.

Niels Hintermann ha cun ses 8avel plaz realisà il segund-meglier resultat da sia carriera. E Ralph Weber ha cun il numer da partenza 34 sco dieschavel realisà ses meglier resultat en la cuppa mundiala.

Serrar

02:06

video

Il percurs da Mauro Caviezel

Or da Sport-Clip dals 18.01.2020.

laschar ir. Durada: 2 minutas 6 Secundas.

01:55

video

Cursa da Niels Hintermann

Or da Sport-Clip dals 18.01.2020.

laschar ir. Durada: 1 minuta 55 Secundas.

02:12

video

Il percurs da Carlo Janka

Or da Sport-Clip dals 18.01.2020.

laschar ir. Durada: 2 minutas 12 Secundas.

Traject scursanì

En la Part Sura Bernaisa avevi dà var 30 centimeters naiv nova la notg sin la sonda. Ed ina part da la pista a Wengen era donnegiada. Cun scursanir la cursa e duvrar la partenza da la cumbinaziun, han ils skiunzs duvrà var ina minuta pli pauc per vegnir giu l'arrivada. Normal dovran els var 2 minutas e mez.

audio

Bunura: Lauberhorn – L'atmosfera e las schanzas dals Svizzers

07:09 min, ord Actualitad dals 18.01.2020.

laschar ir. Durada: 7 minutas 9 Secundas.

RTR novitads 10:00