Siglir tar il cuntegn

Header

cuntegn

Tokio 2020 Il duo Bencic / Golubic è en il mezfinal

Il duo Belinda Bencic e Viktorija Golubic stattan en il mezfinal dals gieus olimpics a Tokio. Ellas èn sa messas tras encunter las duas Australianas, Ellen Perez e Samantha Stosur, cun 6:4 e 6:4.

Las proximas adversarias èn las duas brasilianas Laura Pigossi e Luisa Stefani.

Bencic er en il singul en il mezfinal

Belinda Bencic  (WTA 12) dastga er siemiar dad ina medaglia en il singul. En il quartfinal ha la Svizra gudagnà cunter la Russa Anastasia Pawljutschenkowa (WTA 18) en trais sets cun 6:0, 3:6 e 6:3. La partida ha cuzzà passa duas uras. En il mezfinal frunta Belinda Bencic sin la Casaca Jelena Rybakina.

video
Bencic gudogna il quartfinal cunter Pawljutschenkowa
Or da Tokyo 2020 Clips dals 28.07.2021.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga