Siglir tar il cuntegn

Header

Origami – l'art dal faudar
Legenda: Origami – l'art dal faudar Keystone
cuntegn

Tokio 2020 Origami challange – Vus avais faudà

Quai che ha cumenzà sco passatemp per uffants è oz era in act politic.

Nus avain tratg la sort. Gudagnà in pachet giapunais ha Laila Semadeni. Ella ha fauda 1000 grus. Tenor ina legenda dal Giapun ha la persuna che fauda milli grus d'origami in giavisch.

audio
Nus avain tratg la sort
04:10 min, RTR Audio dals 09.08.2021.
laschar ir. Durada: 04:10 minutas.

L'istorgia

Origami, quai che munta per giapunais ‘faudar palpiri‘, è probabel vegnì pratitgà dapi il sisavel tschientaner en il Giapun. Muntgs da la China han purtà la savida davart la producziun da palpiri sin l’insla. Damai che palpiri era fitg custaivel vegniva origami cunzunt duvrà tar ceremonias religiusas.

audio
L'istorgia da l'origami en il Giapun
05:21 min, Actualitad dals 02.08.2021.
laschar ir. Durada: 05:21 minutas.

Emprims fastizs dal diever d'origami sco nus enconuschain oz dateschan dal 17. tschientaner. Emprims cudeschs che descrivevan tecnicas da faudar èn cumparids la fin dal 18. tschientaner ed era pir lura è origami propi vegnì popular en il Giapun. In boom mundial ha il faudar palpiri gì suenter la Segunda Guerra mundiala.

Simbol per la pasch

Sch’ins discurra d'origami lura vegn a blers endament il gru (Kranich) che vala oz sco simbol principal. El na represchenta dentant betg mo l’art dal faudar palpiri. Dapi la Segunda Guerra mundiala e cunzunt suenter l’explosiun da la bumba atomara a Hiroshima ha l’utschè era anc ina muntada pli profunda. En il Giapun stat il gru per ina vita lunga e ventiraivla. Tenor ina legenda adempleschan ils dieus a quella persuna in giavisch che fauda 1'000 grus. Tras l'istorgia da la scolara Sadako Sasaki ha la legenda chattà la via en l’entir mund.

Monument da pasch per ils uffants a Hiroshima
Legenda: Monument da pasch per ils uffants a Hiroshima Adrian Camartin

Suenter l'attatga cun la bumba atomara sin Hiroshima è la buoba vegnida malsauna da leuchemia. Cun la speranza ch’ella vegnia puspè sauna sch’ella fauda 1'000 grus ha ella cumbattì la malsogna. Ella ha pers il cumbat, è dentant daventada ensemen cun ils 1'000 grus in simbol per la pasch mundiala. Anc oz chattan ins millis da grus faudads da tut il mund en las chasettas sper il monument en il parc da la pasch a Hiroshima.

Fauda era ti!

Dovras agid? Nus avain preparà per tai trais manuals per faudar animals d'origami. In divertiment per pitschen e grond.

video
Faudar il splerin
Or da RTR Social dals 02.08.2021.
laschar ir

RTR actualitad 11:00

Artitgels legids il pli savens

Scrollar a sanestra Scrollar a dretga