Siglir tar il cuntegn

Header

Legenda: Keystone
cuntegn

Tokio 2020 Shinkansen – precisiun e spertadad

Dapi passa 50 onns collian ils trens d’auta spertezza il pajais.

L’emprima lingia dal Shinkansen, quella tranter Tokio ed Osaka è vegnida inaugurada l’emprim d'october 1964. Gist punctual per ils emprims gieus olimpics a Tokio. Passa 500 km binaris, 18 km punts ed 80 tunnels èn vegnids bajegiads e cun 200 km l'ura era il tren da lezzas uras il pli spert dal mund.

audio
Tokio 2020: Cultura – Il Shinkansen
04:17 min, Actualitad dals 04.08.2021.
laschar ir. Durada: 04:17 minutas.

In'istorgia da success

Il shinkansen è stà in tal success ch'ins ha silsuenter bajegià adina dapli colliaziun d’auta spertadad. Oz dumbra la rait dal shinkansen passa 2700 km e tanscha dal sid da l’insla Kyushu enfin bunamain el nord sin l’insla Hokkaido.  

Ils trens èn oz natiralmain era pli sperts che avant 50 onns. Per cumparegliar, il viadi tranter Tokio ed Osaka cuzza oz anc 2 uras e 27 minutas, pia bunamain la mesadad dal 1964.

La raschun principala pertge ch’ils trens dal Shinkansen èn uschè sperts è ch’els curseschan sin in'atgna rait. I na dat uschia pia era nagins retards pervia d'auters trens pli plauns. Plinavant han ins bajegià la rait dal Shinkansen uschia ch'i dat strusch carauns ni elevaziuns, perquai pon ch'ils trens viagiar cun spertadad constanta da enfin 320 km per ura.

Sco en in aviun

En il Shinkansen sesan ins adina en direcziun da viadi. Ils sez pon ins numnadamain manar enturn. Insumma è il viagiar cul shinkansen in'aventura. Tut funcziunescha el tact, ils trens tegnan sin il centimeter exact, sin il perrun èn perquai nudadas ils lieus nua che las portas dal tren sa chattan. Retards na datti praticamain nagins, tut è optimà e drizzà ora sin effizienza. Ed era il tren sez è fitg confortabels. Grondas sutgas pulstradas, bler plaz. Sulet las fanestras èn plitost pitschnas, sco en in aviun.

RTR actualitad 11:00

Artitgels legids il pli savens

Scrollar a sanestra Scrollar a dretga