Siglir tar il cuntegn

Header

Legenda: Nadine Fähndrich ha er gì da cumbatter cunter la naiv nova ch'ha procurà per ina dira cursa. Keystone
cuntegn

Tour de Ski – 2. etappa a Lai Fähndrich curra sut las top 15

Nadine Fähndrich è la suletta passlunghista svizra ch’ha pudì persvader en la segunda etappa dal Tour de Ski a Lai. La Lucernaisa ha terminà la cursa da 10 kilometers en il stil classic sin plazza 14. Tut las autras, tranter auter er Laurien van der Graaff, han manchentà in plaz sut las top 30.

Gudagnà a moda suverana ha Kerttu Niskanen. La Finlandaisa ha battì la Svedaisa Ebba Andersson per 18 secundas. La terza, la Russa Natalia Nepryaeva, ha gia pers passa ina mesa minuta sin Niskanen. Nadine Fähndrich sco 14avla ha gì in retard da passa ina minuta, è dentant tuttina stada paucas secundas pli svelta che l’Americana Jessie Diggins ch'aveva gudagnà il sprint da l’emprima etappa.

Laurien van der Graaff ch’è stada per la davosa giada a la partenza ad ina cursa da la cuppa mundiala en Svizra ha terminà quest’etappa da 10 kilometers stil classic sin plazza 43 cun in retard da bunamain duas minutas. Cun Lydia Hiernickel sco 49avla sa chatta anc in terza svizra sut las top 50.

Novitads 15:00

Artitgels legids il pli savens

Scrollar a sanestra Scrollar a dretga