Siglir tar il cuntegn

Header

cuntegn

Tour de Ski – 4. etappa Staziun finala mezfinal – Finals ad Oberstorf senza la Svizra

Ils finals da la quarta etappa dal Tour de Ski ad Oberstorf ha gì lieu senza participaziun svizra. Tant tar ils passlunghists sco tar las passlunghistas nagina che n'ha cuntanschì il final. Meglra Svizra e meglier Svizzer èn stads Nadine Fähndrich e Jovian Hediger ch'han cuntanschì ils mezfinals dal sprint classic. Omadus han cuntanschì l'8avel rang final.

En ils quartfinals anc Fähndrich, van der Graaff e Hediger

En ils quartfinals è anc stada en cursa sper Nadine Fähndrich era la Grischuna Laurien van der Graaff. Per ella èn ils quartfinals però era stads la staziun finala. Nadja Kälin e Lydia Hiernickel avevan l'avantmezdi gia manchentà la qualificaziun betg essend aifer las top 30.

Tar ils passlunghists Svizzers han manchentà la qualificaziun l'avantmezdi 7 dad 8 atlets – tranter quels era Dario Cologna e Jonas Baumann. Uschia è Jovian Hediger stà il sulet Svizzer en il quartfinal. Betg sa qualifitgads eran Cyril Fähndrich (38.), Erwan Käser (48.), Roman Furger (51.), Beda Klee (55.), Jonas Baumann (62.), Dario Cologna (67.) e Candide Pralong (66.).

Nagin surpassa Johannes Høsflot Klæbo

Gudagnà la quarta etappa dal Tour de Ski ad Oberstorf han il dominatur norvegiais Johannes Kläbo, e tar las dunnas la Russa Natalia Neprjajewa.

RTR novitads 10:00

Artitgels legids il pli savens

Scrollar a sanestra Scrollar a dretga