Sur Nadal hai dà ina midada en il cader da Swiss-Ski per il 16avel Tour de Ski. Jason Rüesch sto desister sin la partenza – el ha piglià dafraid. L'atlet da 27 onns aveva gia mez december stuì dar forfait per las cursas da chasa a Tavau. Durant il trenament da basa Rüesch alura stuì magunar la proxima frida.
Per Rüesch vegn l'atlet giuven Nicola Wigger a prender part al tour. Il Turitgais da 20 onns è avant in'emna vegnì 4 sur 15 kilometers stil classic al Continental Cup a St. Ulrich.