Tour de Suisse - Lieu commemorativ per Gino Mäder sin Pass da l'Alvra

Avant dus onns – durant la tschintgavla etappa dal Tour de Suisse – era Gino Mäder sa disgrazià. Sin viadi da l'ospizi dal Pass da l’Alvra vers La Punt è il Svizzer crudà uschè grev, ch’el ha stuì vegnir reanimà dal medi dal Tour de Suisse. Il di suenter è el mort en l'Ospital chantunala a Cuira. Pervia da la mort surprendenta da Gino Mäder, avevan ils organisaturs ditg giu la sisavla etappa da Cuira ad Oberwil-Lieli.

Uss vegn puspè commemorà al sportist giuven. Sin il Pass da l'Alvra è vegnì inaugurà la gievgia in lieu commemorativ. A chaschun da quella è vegnida installada ina statua cun num «Esser collià». Uschia duai viver vinavant la colliaziun cun Gino Mäder.

La famiglia da Gino Mäder ha passanta la notg avant la commemoraziun gist dasper il lieu. Dad esser stada al lieu da disgrazia da ses frar era per Jana Mäder collià cun ina u l’autra larma. Ma la damaun da la commemoraziun ha ella gì plaschair da vesair circa 150 persunas a l’inauguraziun.

La ceremonia è vegnida visitada dad uffizials dal Tour de Suisse sco era dals teams participants. Quai perquai che quel di ha la 5avla etappa da la cursa cumenzà a La Punt Chamues-ch. Uschia han era blers ciclists professiunals pudì esser da la partida.

Impressiuns da la commemoraziun