Siglir tar il cuntegn

Header

Martin Gujan
Legenda: Martin Gujan durant la cursa dal campiunadi d'Europa il 2012 a Moscau. Keystone
cuntegn

Trenader naziunal U19/U23 Martin Gujan: «Mussar quai ch’i san e lura èsi bun»

En la segunda part dals campiunadis mundials a Glasgow en la Scozia cumbattan er ils mountainbikers per las medaglias, tranter els er ils juniors sut 19 e sut 23 onns. A la partenza van era plirs grischuns. Chiara Solèr, Anina Hutter e Mauro Hassler (U19), Ginia Caluori e Janis Baumann (U23).

audio
Martin Gujan, trenader naziunal da mountainbike U19 ed U23
ord Actualitad dals 09.08.2023. Maletg: MAD
laschar ir. Durada: 4 minutas 29 Secundas.

Il pli strentg program ha Anina Hutter. La giuvna da 18 onns è gia stada a la partenza a la cursa da via da las junioras e dastga er anc sa participar al Team Relay da mountainbike, la cursa da staffetta nua che la Svizra è la defensura dal titel. Per questa cursa è er Nino Schurter vegnì nominà che desista per encunter sin la cursa da short track.

Nus vain gì ina buna preparaziun, la furma constat ed i regia ina bun’atmosfera entaifer l’equipa.
Autur: Martin Gujan trenader naziunal mountainbike U19/U23

Martin Gujan è sco trenader naziunal quai um ch’è er responsabel ch’ils giuvens mountainbikers svizzers vegnan da far il proxim pass direcziun cuppa mundiala. Sa gidar cun las giuvnas atletas ed atlets po el principalmain cun sia gronda experientscha. Gujan ch’ha oz 40 onns ed è anc adina da chasa en il Partenza è sez stà profi da mountainbike durant 21 onns. Durant quels passa dus decennis ha el er festivà bain intgins success internaziunals. Dasper divers plazs da top 10 en la cuppa mundiala ha el gudagnà duas giadas argient a campiunadis d’Europa. Tut en tut è Martin Gujan stà 13 giadas a la partenza a campiunadis mundials.

RTR actualitad 12:00

Artitgels legids il pli savens

Scrollar a sanestra Scrollar a dretga