Siglir tar il cuntegn

Header

Plazzas artifizialas a Cuira
Legenda: Plazzas artifizialas a Cuira Betg mintga club ha gist en la vischinanza ina plazza artifiziala. MAD Citad da Cuira
cuntegn

Trenament da ballape Trenar durant temp da corona – betg adina simpel

Il trenament d'enviern n'è betg da cumparegliar cun ils ultims onns. Trenament en halla n'è betg pussaivel. Ed er uss cura che la primavaira splunta vid l'isch, datti anc adina bleras restricziuns.

La preparaziun d'enviern per las equipas da ballape en las ligas regiunalas bassas è fitg nunusitada. Era la meglra equipa grischuna, Cuira 97 sto improvisar. Il club da la chapitala ha dentant il cletg ch'el posseda in plaz artifizial, uschia ch'i han la pussaivladad da trenar en il liber. La sfida è dentant las prescripziuns. Dapi cumenzament mars èsi bain puspè pussaivel da trenar sco equipa, dentant sto quai vegnir fatg en differentas gruppas. Trenar normal dastgan mo persunas davent da l'annada 2001 e pli giuven. Giugadurs pli vegls na dastgan actualmain avair nagins cumbats dubels. Uschia n'èsi era betg pussaivel da dar gieus.

audio
I vegn trenà en duas gruppas
02:47 min, Actualitad dals 19.03.2021.
laschar ir. Durada: 02:47 minutas.

Betg tuts han in plaz artifizial

Bleras equipas grischunas treneschan normalmain durant l'enviern bler en la halla da gimnastica. Pervia da la pandemia n'è quai dentant betg stà pussaivel las ultimas emnas. Uschia han blers clubs improvisà. Ir a currer ed exercizis da forza en il liber èn stads ed èn anc adina las occupaziuns principalas per bleras equipas da ballape. La chaschun da dar ballape han mo las equipas che han il cletg da pudair ir magari sin ina plazza artifiziala. Saja quai a Cuira, Domat u Mustér. Las pli bleras plazzas natiralas en il Grischun n'èn anc betg prontas per dar ballape.

audio
Amos Sciuchetti, schef da sport dal CB Schlarigna, davart il trenament
00:13 min, RTR Audio dals 19.03.2021.
laschar ir. Durada: 00:13 minutas.
audio
Philipp Berri, trenader dal CB Surses, davart il trenament
00:13 min, RTR Audio dals 19.03.2021.
laschar ir. Durada: 00:13 minutas.

Cura cumenza la stagiun da ballape?

La Federaziun da ballape da la Svizra orientala ha publitgà avant intginas emnas plans da gieus per las differentas ligas regiunalas. Davent da mez avrigl quinta igl OFV puspè cun gieus da ballape. Quai natiralmain be sche la situaziun pandemica lubescha.

Umens

  • En 5. liga è planisà ils 18 d'avrigl l'emprim gieu da campiunadi 2021.
  • En 4. liga è l'emprim gieu fixà ils 17'avrigl.
  • En 3. liga è l'emprim gieu planisà ils 10 d'avrigl.
  • En 2. liga regiunala èn ils emprims gieus fixads per ils 17 d'avrigl.
  • En la 2. liga interregiunala n'èsi anc betg cler cura ch'i va vinavant cun il campiunadi. Actualmain n'èn anc nagins gieus planisads per questa primavaira. Qua è dentant la Federaziun svizra da ballape responsabla per il plan da gieus e na betg igl OFV.

Dunnas

  • En 4. liga duess il campiunadi da primavaira cumenzar ils 18 d'avrigl.
  • En 3. liga èn ils emprims gieus fixads ils 24 d'avrigl.
  • En 2. liga èn ils emprims gieus planisads ils 18 d'avrigl.
Il CB Surses durant in gieu da campiunadi en 4. liga
Legenda: Il CB Surses durant in gieu da campiunadi en 4. liga La Federaziun da ballape da la Svizra orientala è optimistica e quinta che tals duels èn puspè pussaivels davent mez avrigl. FMR, Gion Nutegn Stgier

RTR actualitad 11:00

Artitgels legids il pli savens

Scrollar a sanestra Scrollar a dretga