Siglir tar il cuntegn

Header

cuntegn

Triatlon Daniela Ryf per la 5avla giada campiunessa mundiala d'Ironman

La Svizra Daniela Ryf è puspè enavos sin il tron dal triatlon. La sportista da 34 onns è per la tschintgavla giada campiunessa mundiala d'Ironman. Cunzunt sin il velo ha ella fatg la differenza. la concurrenza è stada a Saint George en il stadi federativ da Utah.

Ses emprims quatter titels ha Daniela Ryf gudagnà dal 2015 fin il 2018 sin Big Island a Hawaii. La concurrenza a Saint George ha remplazzà il campiunadi mundial ch'ha stuì vegnir spustà l'onn passà pervi da la pandemia. Per quest motiv datti l'october in segund campiunadi mundial d'Ironman – e quai sco usità a Hawaii.

Ironman a Hawaii

Avrir la box Serrar la box

L’Ironman a Hawaii è il pli vegl triatlon sur la distanza lunga cun 3,86 kilometers nudar, 180 kilometers cun velo e 42,2 kilometers currer, pia la distanza da maraton. Il 1978 ha quest Ironman gì premiera. Ozendi è quai la pli enconuschenta ed impurtanta cursa da triatlon. Tgi che gudogna a Hawaii dastga er mintgamai sa numnar il retg u la regina da triatlon u il campiun mundial respectivamain la campiunessa mundiala.

Ord l'archiv

video
Daniela Ryf fa la tripletta a Hawaii
Or da Sportpanorama dals 15.10.2017.
abspielen. Laufzeit 4 minutas 51 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga