Tar il turnier sin pastget perda Roger Federer en l’otgavelfinal en trais sets. Cunter Felix Auger-Aliassime gioga il Svizzer 6:4, 3:6 e 2:6.
Suenter che Federer ha gudagnà l’emprim set, ha el laschà suenter fitg tar ses agen service, cunter il Canadais da 20 onns. Entamez il segund set ha Auger-Aliassime lura fatg en la 9avla emprova ses emprim break. Suenter ha strusch pli insatge funcziunà tar Federer.
Cun questa terrada ha Roger Federer manchentà tar sia 18avla participaziun a Halle – per l’emprima giada insumma ils quartfinals.
