Stan Wawrinka cuntanscha al turnier a Roma ils otgavelfinals. Il Svizzer ha battì en la segunda runda il Serb Laslo Djere cun 7:6 (10:8), 3:6 e 6:4. Per la victoria ha el duvrà passa duas uras e trais quarts, e quatter ballas da matsch.
Sco proxim adversari spetga Stan Wawrinka uss in pli prominent Serb, numnadamain Novak Djokovic. Quel ha gia gudagnà tschintg giadas il turnier a Roma. Il 2008 ha el gudagnà il final cunter Wawrinka. La partida è la gievgia suentermezdi.
