-
Bild 1 von 9. Tut è pront per la partida tranter la Valisa e la Belgia. Bildquelle: Keystone.
-
Bild 2 von 9. Nagina schanza per il goli da la Valisa - 1:0 per la Belgia suenter 13 minutas. Bildquelle: Keystone.
-
Bild 3 von 9. Ils fans da la Belgia pon gia giubliar suenter 13 minutas. Bildquelle: Keystone.
-
Bild 4 von 9. Williams (dretg) fa il 1:1 per la Valisa. Bildquelle: Keystone.
-
Bild 5 von 9. Wales sa legra dal 1:1 tras Ashley Williams (dretg sura). Bildquelle: Keystone.
-
Bild 6 von 9. Robson-Kanu (san.) procura per il 2:1 da Wales. Bildquelle: Keystone.
-
Bild 7 von 9. Robson-Kanu po giubilar. Bildquelle: Keystone.
-
Bild 8 von 9. Sam Vokes fa il 3:1. Bildquelle: Keystone.
-
Bild 9 von 9. La sensaziun è perfetga: La Valisa stat en il mezfinal. Bildquelle: Keystone.
Ils Beltgs èn ids en avantatg en la 13avla minuta tras in culp ord la distanza dal giugader dal champ central Radja Nainggolan. En la 30avla minuta ha il capitani Ashley Williams pudì egalisar per la Valisa al 1:1. El ha nizzegià in mument da confusiun en la defensiun dals Beltgs.
Segunda mesadad
En la 55avla minuta ha Hal Robson-Kanu tutgà al 2:1 per l'equipa da la Valisa. Il giugader dal champ central ha trumpà la defensiun beltga. Tut cler ha fatg l'attatgader Sam Vokes cun ses 3:1 en la 86avla minuta. La sensaziun è perfetga.
En il mezfinal spetga Portugal
Mesemna, ils 6 da fanadur gioga la Valisa il mezfinal cunter il Portugal che ha battì la Pologna suenter sajettar penaltis. Sulet dagut d'amarezza per la Valisa: Aaron Ramsey manchenta il mezfinal pervi da duas cartas melnas.
RR novitads 23:00 / RR actualitad 07:00