Siglir tar il cuntegn

Header

cuntegn

Ulteriura medaglia svizra Feuz gudogna bronz en la cursa rapida a Cortina

Il podest:

  1. Vincent Kriechmayr, Austria
  2. Andreas Sander, Germania
  3. Beat Feuz, Svizra

A la cursa rapida «Vertigine» a Cortina d'Ampezzo pon era ils umens svizzers recaltgar l'emprima medaglia. Beat Feuz che valeva avant la cursa sco favurit gudogna la medaglia da bronz cun 18 tschientavels retard sin il victur austriac Vincent Kriechmayr.

video
Feuz davart sia medaglia da bronz
Or da Sport-Clip dals 14.02.2021.
laschar ir. Durada: 1 minuta 31 Secundas.

Ina fitg buna prestaziun ha era il giuven svizzer Marco Odermatt mussà, el vegn en l'arrivada cun il medem temps sco il Top-favurit talian Dominik Paris e cunquai sin rang 4. Quai è per il giuven da 23 onns ses meglier resultat en la cursa rapida en il campiunadi mundial insumma. Il grischun Carlo Janka sa tschenta sco terz meglier Svizer sin rang 9.

video
Odermatt: «Bunamain sco gudagnar bronz»
Or da Sport-Clip dals 14.02.2021.
laschar ir. Durada: 2 minutas 1 Secunda.

Cunquai ha la Svizra gudagnà tschintg medaglias als campiunadis mundials a Cortina. Las medaglias èn vegnidas recaltgadas da Corinne Suter (1x aur ed 1x argient), Lara Gut-Behrami (1x aur ed 1x bronz) e Beat Feuz (1x bronz).

RTR novitads 12:00

Artitgels legids il pli savens