L’atlet en sutga cun rodas Marcel Hug ha gudagnà il maraton cun in temp da 1:17:06 uras. Uschia è el stà bunamain ina minuta pli spert che tar ses record fatg l’onn 2017. Per quest record survegn Hug ina premia da 50’000 dollars.
Per il Svizzer da 37 onns èsi la 6avla victoria, al maraton da Boston che ha in prestige grond. Gudagnà ha el gia las concurrenzas dals onns 2015, 2016, 2017, 2018 e 2021. Quest onn ha el distanzià il segund, l'American Daniel Romanchuk per passa diesch minutas.
Il maraton da las dunnas ha gudagnà l’Americana Susannah Scaroni. La Svizra Manuela Schär ha stuì dar si la cursa. La Lucernaisa ha gia gudagnà quatter giadas a Boston.