Belinda Bencic manchenta il mezfinal da l'US Open. En il gieu da quartfinal ha la victura olimpica pers cunter la qualificanta e dumber 150 da la rangaziun mundiala, la Brita Emma Raducanu cun 3:6 e 4:6.
Suenter ina bun'entschatta ha Bencic fatg pli e pli sbagls ed Emma Raducanu ha pudì superar la gnervusitad da l'entschatta.
La Brita da 18 onns dat per dapi trais mais sin la tura professiunala da WTA. Ella è l'emprima qualificanta che cuntanscha il mezfinal a Flushin Meadows. Ella gioga la gievgia cunter la victura dal duell Karolina Pliskova (WTA 4) e Maria Sakkari (WTA 18).