US Open - Federer stat en be 80 minutas en il 4. final
Roger Federer stat en il quart final dal US Open. Il numer trais dal mund ha battì senza problems il Beltg David Goffin, quai en radund 80 minutas cun 6:2, 6:2 e 6:0.
Sco proxim spetga uss il mardi il victur da la partida tranter il Bulgar Grigor Dimitrov (ATP 78) e l'Australian Alex de Minaur (ATP 38). Dimitrov tutga tar in dals adversaris preferidsda Federer; Da las set partidas ha il Svizzer gudagnà tuttas e pers be dus sets. Encunter l'Australian da 20 onns ha Fedrer anc mai giugà.