Siglir tar il cuntegn

Header

video
Bencic suveran en runda dus
Or da Sport-Clip dals 31.08.2021.
laschar ir
cuntegn

US Open Golubic perda – Bencic vinavant

Viktorija Golubic croda or en l'emprima runda. Sa qualifitgadas per la segunda runda dal US Open èn Belinda Bencic e Jil Teichmann.

A la fin èsi stà ina clera chaussa. Belinda Bencic ha battì l'Ollandaisa Arantxa Rus en dus sets cun 6:4 e 6:4. Gia en l'emprim service da Rus è gartegià a Bencic il break, in segund break en il segund set al 3:2 ha alura decis la partida a favur da Bencic. En la proxima runda frunta Bencic sin la Taliana Martina Trevisan. Igl è l'emprim inscunter tranter las duas atletas.

Er Juil Teichmann è sa qualifitgada per la proxima runda. Ella ha gudagnà cun 6:3 e 6:4 cunter la qualifitganta da la Spagna Cristina Busca. Ultimamain è Teichmann sa qualifitgada per il final dal turnier a Cincinnati, tge ch'è stà fin uss il punct culminant da sia carriera. En la proxima runda frunta Jil Teichmann la gievgia sin Anett Kontaveit da l'Estonia.

Out per Golubic e Vögele

Victorija Golubic ha manchentà la surpraisa al US Open a New York. La partida cunter il numer 7 dal mund, la Canadaisa Bianca Andreescu ha cuzzà bunamain trais uras. Er sche Golubic ha adina puspè pudì far pressiun, perda la Svizra la finala tuttina, quai en trais sets cun 5:7, 6:4 e 5:7.

Er per Stefanie Vögele è il turnier gia suenter l'emprima runda a la fin. Encunter la Brita da 18 onns, Emma Raducanu, ha Vögele pers cun 2:6 e 3:6. Suenter 78 minutas e la 7avla balla da matsch per Raducanu è la partida stada a la fin.

RTR novitads 21:00

Artitgels legids il pli savens

Scrollar a sanestra Scrollar a dretga