Per la matadora locala Serena Williams è l'ultim turnier da Grand Slam da l'onn a fin suenter la terza runda. L'Americana ha pers cunter cunter l'Australiana Ajla Tomljanovic en trais sets cun 5:7, 7:5 ed 1:6. La partida ha cuzzà passa trais uras e marchescha – probabel – er la fin da la carriera da Serena Williams ch'ha gudagnà en sia carriera 23 turniers da Grand Slam, dapli che mintg'autra giugadra.
Williams vegn en trais emnas 41 ed ha annunzià avant il turnier da sa deditgar ad auters projects suenter l'US Open.