Siglir tar il cuntegn

Header

cuntegn

US Schluein Glion I sto ir si tut per restar en 2. liga

Pers n’è anc nagut, ma la meglra equipa da ballape en Surselva ristga da stuair turnar enavos en la 3. liga da ballape. Sin l’US Schluein Glion spetga la fin d’emna in gieu chapital.

Avant la davosa runda da campiunadi sa chatta l’USSI sin il 11avel plaz da la tabella ed uschia sin in plaz da relegaziun. Per terminar la stagiun 2020/2021, ina stagiun sut l’ensaina da corona, ston ils Sursilvans gudagnar il davos gieu a chasa encunter Montlingen e sperar che St. Margrethen u Rheineck na gudognan betg lur partidas.

audio
L'US Schluein Glion avant il gieu chapital
ord Actualitad dals 24.06.2021.
laschar ir. Durada: 3 minutas 53 Secundas.

La culpa che l’US Schluein Glion è vegnì en questa situaziun è stada la terrada da la davosa fin d’emna ordaifer encunter Rheineck (2:3), in concurrent direct per quest davos plaz en la segunda liga.

audio
Ballape regiunal: David Caduff, schef da sport USSI – si u giu?
ord Actualitad dals 24.06.2021.
laschar ir. Durada: 4 minutas 48 Secundas.

Il gieu tranter Schluein Glion e Montlingen, il 5avel da la tabella, è la sonda, ils 26 da zercladur il suentermezdi a las 16:00 uras en l’Arena Crap Gries a Schluein.

RTR actualitad 11:00

Artitgels legids il pli savens