Er oz na datti nagin super-G da las dunnas en Val di Fassa pervi da la blera naiv nova. Quai han communitgà ils organisaturs. Gia ier han els stuì dir giu l'emprim super-G da la fin d'emna pervi da la naiv nova.
Tar las dunnas èsi gia la setavla cursa che sto vegnir stritgada quest enviern. Avant èn gia la cursa rapida a Zermatt, il super-G a San Murezzan è la cursa a Garmisch-Partenkirchen vegnidas annulladas pervia da l'aura u temperaturas memia autas.