Oz na datti nagin super-G da las dunnas en Val di Fassa pervi da la blera naiv nova. Quai han communitgà ils organisaturs. Damaun è in ulteriur super-G planisà en las Dolomitas.
Tar las dunnas èsi il sisavel spustament quest enviern. Avant èn gia la cursa rapida a Zermatt, il super-G a San Murezzan è la cursa a Garmisch-Partenkirchen vegnidas spustadas pervia da l'aura u temperaturas memia autas.
Da las 18:50 cumenza en ils Stadis Unids, a Palisades Tahoe, il slalom gigant dals umens. Per Marco Odermatt èsi la schanza per sia settavla victoria en seria questa stagiun.