Roger Federer ha cuntanschì la segunda runda al turnier a Wimbledon. El ha dentant duvrà in zic cletg. Ses adversari - il Franzos Adrian Mannarino - ha stuì dar si l'entschatta dal tschintgavel gieu. El era sa blessà en il quart set. A l'entschatta da la partida aveva il Franzos mussà ina ferma prestaziun. Suenter che Federer ha gudagnà l'emprim set cun 6:4 ha il Svizzer pers il segund cun 7:6 en il tiebreck ed era pers il terz set cun 3:6. En il quart set ha Federer lura pudì egualisar. En il quart set è Mannarino sa blessà tar il stan da 4:2 per Federer. Il Franzos ha dà a fin il set dentant lura dà si la partida.
En il proxim gieu frunta Federer sin Richard Gasquet, medemamain da la Frantscha.