Il resultat dal final è 6:4 e 6:4 en il final dal turnier da tennis a Wimbledon. Gudagnà ha Marketa Vondrousova da la Tschechia. Perdì ha Ons Jabeur da la Tunesia. L'emprima balla da match ha ella anc dà or da maun, la segunda ha ella lu nizzegià cun in volley.
video
la balla da match per Vondrousova
Or da Sport-Clip dals 15.07.2023.
laschar ir. Durada: 38 Secundas.
Omaduas giugaduras n'han anc betg gì in tettel da grand slam avant il final la sonda. Vondrousova è dentant gia stada il 2019 en il final dal French Open, Jabeur è stada a la stagiun passada en Wimbledon ed al US Open en il final. Avant il final è Jabeur stada la favorita, tranter auter perquai ch'ella è stada sin plaz 6 da la glista da rangs mundiala da tennis. Vondrousova è stada sin rang 42.