Per Belinda Bencic è il turnier da WTA-1000 a Toronto a fin suenter il quartfinal. La Svizra ha pers cunter la Brasiliana Beatriz Haddad Maja en trais sets cun 6:2, 3:6 e 3:6. En il set decisiv manava Bencic anc cun 2:0.
Malgrà questa terrada sa meglierescha Belinda Bencic en la rangaziun mundiala per duas posiziuns e figurescha a partir da l'emna proxima sin il 10avel plaz.
Teichmann è out
La segunda Svizra en il turnier, Jil Teichmann n’ha betg cuntanschì il quartfinal. Ella ha pers encunter l’anteriura numer in dal mund Simona Halep cun 2:6 e 5:7.