Belinda Bencic ha pers il final dal turnier da WTA a Berlin. La qualificanta russa Ludmilla Samasonowa ha battì Bencic cun 1:6, 6:1 e 6:3. La giuvna da 22 onns raiva uschia da la plazza 106 sin 63 da la rangaziun mundiala.
Belinda Bencic po entant esser cuntenta cun sia prestaziun. Ella è stada la 5avla giada quest onn en in final. L'onn avant ha ella dumagnà nagina giada sur il mezfinal ora.
Bencic en il final
Belinda Bencic ha cuntanschì il final dal turnier da WTA a Berlin. En il mezfinal ha la Svizra battì la Franzosa Alizé Cornet, en 2 sets cun 7:5 e 6:4.
Adversaria è anc betg clera
Dumengia suonda il 4. final da Belinda Bencic sin pastget. La davosa giada gudagnà ha la Svizra sin pastget il 2015 ad Eastbourne. En il final frunta Bencic u sin Viktoria Azarenka da la Bielorussia, u sin la Russa Ludmilla Samsonowa.