Recept - Biscuits da tschigulatta

Preparar: 30 min.
Laschar pussar: 12 h
Coier: 5 min.

Las ingredienzas

• 100 g zutger
• 1 presa sal
• 1 ov
• 200 g tschigulatta grattada
• 200 g mandlas mieutas
• 50 g farina alva
• 40 g pulvra da zutger
• 40 g mandlas alvas entiras

Pass per pass

1. Metter zutger, sal e l’ov en la cuppa. Truschar cun il mixer a maun. La massa sto vegnir clera.
2. Agiuntar la tschigulatta e truschar bain.
3. Agiuntar las mandlas mieutas e la farina. Suenter maschadar a maun cun il sgrattin da gumma.
4. Furmar ils biscuits: Sfruschar ils mauns en in pau pulvra da zutger. Furmar ils biscuits e volver quellas en la pulvra da zutger. Metter ils biscuits sin in plat cun palpiri da furn. Squitschar ina mandla entira entamez ils biscuits.
5. Sche pussaivel, laschar pussar 12uras (temperatura da stanza).
6. Metter ils biscuits en il furn (sisum). Laschar ils biscuits 3–5 minutas en il furn cun ina temperatura da 240°C.

Legenda: Biscuits da tschigulatta RTR