Ils crutschins da vaniglia ha mia mamma adina stuì zuppar zunt bain. Dus giadas che jau hai chattà els, hai jau maglià els tut suletta gia avant Nadal.
Legenda:
Olivia Spinatsch, redactura reflexiun audio
RTR
Coier: 10 min.
Metter a frestg: 1 ura
Las ingredienzas per 30 tocs
- 200 g paintg, temperatura da stanza
- 100 g zutger
- 1 presa sal
- 100 g mandlas spaletschadas e mieutas
- 220 g farina alva
- 150 g zutger da vaniglia
Pass per pass
- Maschadar la farina e las mandlas en ina cuppa. Agiuntar il paintg, il zutger ed il sal e truschar la massa ad ina pasta. Furmar cun la pasta ina culla e metter quella ca. 1 ura a frestg.
- Furmar or da /cun la pasta rollas da 1 cm grossezza. Lura tagliar la rolla en tocs da 5 cm lunghezza e furmar cun quels crutschins.
- Metter ils biscuits sin ina lastra cuvrida cun in palpiri da furn. Suenter coier ils biscuits ca. 10 minutas entamez il furn prestgaudà sin 180°C chalira sura/ sut.
- Laschar sfradentar ils crutschins per ca. 2 minutas e suenter tschentar/metter els anc chauds en zutger da vaniglia. Lura als laschar sfradentar dal tut sin in giatter.
