Recept - Muffins d'umens da naiv

Preparar: 45 min.
Coier: 25 min.

Las ingredienzas per 10 tocs

• furmas da palpiri
• 1 jogurt da vaniglia, cup da 180 g
• 125 g paintg, lom
• ¾ cup zutger criv – 120 g
• 1 pachetin zutger da vaniglia
• ½ tp chanella
• ¼ tp pulvra da groffels
• 2 presas sal
• 2 ovs
• 1 oranscha
• 1 ½cup farina alva – 180g
• 1 tp pulvra da levon
• pulvra da zutger per springir ils muffins
• 4 carottas da marzipan
• 20 lentiglias da tschigulatta
• ina tuba glasura da zutger naira

tg = tschadun grond, tp = tschadun pitschen

Pass per pass

1. Svidar il jogurt en ina cuppina, lavar or il cup da jogurt ed al sientar bain per pudair duvrar el sco mesira.
2. Metter il paintg en ina cuppa, agiuntar il zutger, il zutger da vaniglia, la chanella, la pulvra da groffels ed il sal, truschar la massa cun il scuet dal mixer. Agiuntar ils ovs, cuntinuar a truschar la massa, fin ch'ella è clera. Agiuntar il jogurt e maschadar tut cun il scuet, grattar la paletscha d‘oranschas e l'agiuntar, smesar l'oranscha, la struclar or ed agiuntar 2 tg a la pasta. Maschadar la farina cun la pulvra da levon ed agiuntar tut a la massa.
3. Cuvrir la lastra cun 10 furmas da palpiri. Las emplenir cun la pasta.
4. Coier ils muffins ca. 25 min. entamez il furn prestgaudà sin 180°C. Prender or dal furn la lastra da muffins, laschar sfradentar in pau ils muffins ed als prender giu da la lastra, lura als laschar sfradentar dal tut sin in giatter.
5. Springir ils muffins cun pulvra da zutger. Decorar ils muffins sco umens da naiv: la carotta per il nas, las lentiglias da tschigulatta per ils egls. Malegiar cun la glasura da zutger ina bucca – e gia èn pronts tes umens da naiv!

Legenda: Muffins d'umens da naiv little Fooby

Copyright e recept da Little Fooby